الفرق بين الملابس الباله والاستوك كمشروع مفيد جدا ومكسبه سريع

الفرق بين الباله والاستوك كمشروع مفيد جدا ومكسبه سريع 

اية الفرق بين البالة واﻻستوكات ؟

نبدأ الاجابه على السؤال:-

اوﻻ: البالة الأوروبي :-

هى ملابس مستعملة مستوردة اوروبيه واحيانا بيبقى فيها نسبة بالتيكيت وبتتقسم إلى درجات  : 1- بالة كريمة ( اعلي درجات الباله) 2- وواحد فى كريمة 3- و نمره واحد

و السحبة ( اقل درجات الباله الأوربي)

طبعا كل درجة بمستوى وبسعر وليها تفاصيل كتير والبالة بتتباع تصنيف واحد بمعنى

الحريمي الصيفي مثلا:

          بالة بلوزه او تيشيرت أو بنطلون أو فستان او بدي وهكذا

الرجالي الصيفي مثلا :

           باله قميص او تيشيرت بنطلون او شورت وهكذا

الاطفال :

           باله ميكس اطفال

معنى ذلك كل صنف بيبقه كل على حد وكمان فيها أنواع بالة خليجى ودى أرخص أنواع البالة وبالة انجليزى وبالة استرالي وبالة بلجيكي وباله هولندي وباله ايطالي

 

ثانيا: الباله الخليجي : -

دي باله مستعمله بتجمع من دول الخليج وخصوصا السعوديه والإمارات ودي باله رخيصه ونسبه الهالك والاستعمال فيها بنسبه عاليه ودي مش برشحها ولازم تتشاف قطعه قطعه وبرده من عند التجار اللي اهل ثقه .

  

افضل درجات الباله

هي الباله الكريمه::::

ودي بتكون درجه عاليه وموديلات ها حديثه وبتكون فيها نسبه تكت تختلف باختلاف المعامل والمنشأ بتكون نسبه الاستعمال بسيطه جدا تكاد لا تذكر وتكون نسبه الهالك او الديفوات بسيطه جدا جدا تكاد لا تذكر   

ثم يليها

درجه الكريمه في واحد::::

ودي بتكون درجه كويسه بس اقل من درجه الكريمه العاليه لانها بتكون ميكس بين الكريمه ونمره واحد نسبه التكت بتكون معدومه او بنسبه قليله جدا جدا جدا تكاد لا تذكر وبيكون فيها نسبه من الديفوات او الهالك اعلي ودول افضل درجتين للمبتدئين اللي عاوزين يشتغلوا في الباله

 

((ملحوظه هامه))   

محدش يعتمد على لون الخيشه نهائي لان حاليا كل مستورد بيحط خيشه بلون معين خاص بيه ،  المهم التعامل مع مستورد او مكتب ثقه وليه اسم في السوق علشان المجال فيه شغل شمال كتير فلازم التعامل مع المستورد او التاجر المشهود ليه بالأمانة والضمير والمصداقيه الشغل العالي  .

 

متوسطات لعدد قطع بعض البالات 50 كيلو :-

اصناف صيفى :-

50 كيلو ملابس اطفال = 480 قطعة تقريباً

50 كيلو قميص رجالى = 225 قطعة تقريباً

50 كيلو تى شيرت رجالى = 270 قطعة تقريباً

50 كيلو فيست وبدى = 360 قطعة تقريباً

50 كيلو شيميز وبلوزة = 400 قطعة تقريباً

50 كيلو فستان = 180 قطعة تقريباً

50 كيلو شورت وبرمودا = 170 قطعة تقريباً

50 كيلو ملابس رياضية = 130 قطعة تقريباً

50 كيلو داخلى حريمى ولانجيرى 1100 قطعة

50 كيلو بنطلون رجالى = 75 قطعة تقريباً

50 كيلو بنطلون حريمى = 90 قطعة تقريباً

50 كيلو بنطلون محير = 110 قطعة تقريباً

 

اصناف شتوى :-

50 كيلو ملابس اطفال = 270 قطعة تقريباً

رجالي شتوي

50 كيلو جاكيت وسويتر رجالى= 50 قطعه تقريبا

50 كيلو سويت شيرت رجالى = 100 قطعة تقريباً

50 كيلو بلوفر رجالى = 125 قطعة تقريباً

50 كيلو بالطو رجالى = 38 قطعة تقريباً

حريمي شتوي

50 كيلو كنزة حريمى = 220 قطعة تقريباً

50 كيلو كنزة طويلة حريمى = 170 قطعة تقريباً

50 كيلو درالون حريمى = 280 قطعة تقريباً

50كيلو سويتر حريمي = ١٠٠ قطعه تقريبا

50 كيلو جاكت (بالطو) = ٤٠قطعه تقريبا

 

ثانيا:اﻻستوكات :-

وهى تصفيات توكيلات اروبية جديدة طبعا وبالتيكيت سهل طبعا فيها شغل سريهات بمعنى القطعة ، وطبعا بردوة درجات أولى وتانية

 اﻻولى نسبة ديفوهات معدومة

والتانية طبعا فيها بعض الديفوهات

 ازاى اعرف ان اﻻستوك دة بتاع السنة دى التيكيت الداخلى للقطعة مكتوب عليه سريال بتاريخ السنة وطبعا سهل من لينك اى توكيل تتعرف على موديلات السنة طبعا اﻻستوك بيكون لسنة قبل السنة الحالية بمعنى أننا فى صيف 2020 يبقى اﻻستوك فى السوق بتاع 2019 ﻻن بتاع 2020 اكيد لسة منزلش ، غالبا بتتباع مشكلة مش تصنيفات بمعنى تشكيل حريمى كامل أو اطفال مشكل أو رجالى مشكل ، وطبعا اهم حاجه التشكيل اهم من السعر

 ده اللي هنشرحه بعد كده في ازي نعرف تشكيل الشغل وعيار الشغل المظبوط في الحلقات الخاصه بالاستوكات

ارجوا اكون قدمت المعلومه بصوره بسيطه  

 

Comments

You must be logged in to post a comment.